Gjykata e Posaçme e Apelit kundër Korrupsionit dhe Krimit të Organizuar ka shpallur vendimin mbi ish-presidentin Ilir Meta duke lënë në fuqi vendimin e shkallës së parë të GJKKO-s pas ankimit të ish-kreut të shtetit për masën e arrestit me burg.

Referuar vendimit të Gjykatës së Posaçme të Apelit, është miratuar vendimi nr. 125, datë 20.10.2024 të Gjykatës së Posaçme të Shkallës së Parë për Korrupsionin e Krimin e Organizuar, të verifikuar me vendimin nr. 130, datë 23.10.2024 të së njëjtës gjykatë, për pjesën e ankimuar nga personat nën hetim I.M. dhe J.K.

Gjithashtu, Apeli i GJKKO-s konfirmon masën ‘detyrim paraqitje’ për Monika Kryemadhin.

“Gjykata e Posaçme e Apelit për Korrupsionin dhe Krimin e Organizuar, me trup gjykues monokratik të përbërë nga gjyqtare Igerta Hysi, sot më datë 19.11.2024, shpalli vendimin mbi çështjen penale nr. 60 akti, datë 11.11.2024 regjistrimi, mbi ankimet e personave nën hetim I.M. dhe M.K., me objekt: “Ankim ndaj vendimit nr. 125, datë 20.10.2024 dhe vendimit nr. 130, datë 23.10.2024 të Gjykatës së Posaçme të Shkallës së Parë për Korrupsionin dhe Krimin e Organizuar”, që ka disponuar në lëndë të masave të sigurimit personal, dhe vendosi: Miratimin e vendimit nr. 125, datë 20.10.2024 të Gjykatës së Posaçme të Shkallës së Parë për Korrupsionin e Krimin e Organizuar, të verifikuar me vendimin nr. 130, datë 23.10.2024 të së njëjtës gjykatë, për pjesën e ankimuar nga personat nën hetim I.M. dhe M.K”, thuhet në vendimin e Gjykatës së Posaçme të Apelit.

/rtsh.al/